GTC ကျောင်းဆရာမအား နေအိမ်တွင်သတ်ပြီး ထွက်ပြေးတိမ်းရှောင်နေတဲ့ တရားခံ

441

ပင်းဘောကျေးရွာလူသတ်မှုဖြစ်စဉ်မှ တရားခံဓါတ်ပုံအားမိုးကောင်းရဲတပ်ဖွဲ့ထုတ်ပြန်

မိုးကောင်းမြို့နယ်၊ပင်းဘောကျေးရွာအုပ်စု၊ရေတွင်းကုန်းကျေးရွာနေ GTC ကျောင်းဆရာမအားနေအိမ်တွင်သတ်ပြီးထွက်ပြေးတိမ်းရှောင်နေသူ တရားခံ၏ ဓာတ်ပုံနှင့်အချက်အလက်များကို မိုးကောင်းရဲတပ်ဖွဲ့မှထုတ်ပြန်ထားရှိကြောင်းသိရသည်။

တရားခံအားတွေ့ရှိပါက ပင်းဘောနယ်မြေရဲစခန်း ဖုန်း( ၀၇၄-၆၆၁၁၉/၀၉၄၃၀၈၂၆၂၄) နှင့် နီးစပ်ရာရဲစခန်းများ၊အုပ်ချုပ်ရေးရုံးများသို့ သတင်းပေးပို့ကြပါရန် မိုးကောင်းရဲတပ်ဖွဲ့မှ သတင်းထုတ်ပြန်ထားရှိကြောင်း သိရသည်။

မိုးကောင်းမြို့နယ်၌ အမျိုးသမီးတစ်ဦး နေအိမ်အတွင်း ဓားဒဏ်ရာများဖြင့် သေဆုံး

ကချင်ပြည်နယ် မိုးကောင်းမြို့နယ် ပင်းဘောကျေးရွာအုပ်စု ရေတွင်းကုန်းကျေးရွာ၌ မတ် ၁၇ ရက်က အမျိုးသမီးတစ်ဦး နေအိမ်အတွင်း ဓားဒဏ်ရာများဖြင့် သေဆုံးခဲ့ကြောင်း ပင်းဘောနယ်မြေရဲစခန်းမှ သိရသည်။

ဖြစ်စဉ်မှာ မတ် ၁၇ ရက် ညနေ ၃ နာရီခွဲက မိုးကောင်းမြို့နယ် ပင်းဘောကျေးရွာအုပ်စု ရေတွင်းကုန်းကျေးရွာနေ ဒေါ်ကြည်အေးမှ ၎င်း၏နေအိမ်အတွင်း သမီးဖြစ်သူ မမာမာဝင်း(၂၅)နှစ် (မိုးညှင်းနည်းပညာကောလိပ်)တွင် တာဝန်ထမ်းဆောင်နေသူသည် ဓားဒဏ်ရာများဖြင့်

သေဆုံးနေကြောင်း ပင်းဘောနယ်မြေရဲစခန်း၌ အမှုဖွင့်တိုင်တန်းခဲ့၍ နယ်မြေရဲစခန်းမှူး ရဲအုပ်စိုးလွင်နှင့် တာဝန်ရှိသူများက အခင်းဖြစ်ပွားရာနေရာသို့ သွားရောက်စစ်ဆေးခဲ့ရာ သေဆုံးသူအမျိုးသမီးတွင်

ဝဲဘက်ပါးနှင့် လည်ပင်း၌ ပြတ်ရှဒဏ်ရာတစ်ချက်စီ၊ဝမ်းဗိုက်နှင့် ယာဘက်နံဘေးတွင် ထိုးသွင်းဒဏ်ရာတစ်ချက်စီ ဒဏ်ရာများဖြင့်သေဆုံးနေကြောင်း သိရသည်။

မိခင်ဖြစ်သူ၏ ပြောပြချက်အရ ၎င်းမှာ ဓမ္မာရာဇိကဘုရားကြီးအတွက် အလှူခံနေရာမှ မွန်းလွဲနှစ်နာရီခန့်တွင် နေအိမ်သို့ပြန်လာရာ နေအိမ်မီးဖိုဆောင်အတွင်း သမီးဖြစ်သူမှာ အမျိုးသားတစ်ဦးနှင့် ဖုန်းကစားနေကြောင်း တွေ့ရှိရ၍ မည်သူမည်ဝါဖြစ်ကြောင်း မေးမြန်းကြည့်ရာ

ရထားပေါ်တွင်သိရှိခဲ့သူ ဟိုပင်မြို့၊မြဇေယျာရပ်ကွက်တွင် နေသူဖြစ်ကြောင်း သိရှိရပြီး အလှူခံရာသို့ ပြန်လည်သွားခဲ့ကြောင်း။ ညနေလေးနာရီခန့်တွင် သမီးဖြစ်သူအား ဖုန်းခေါ်ဆိုရာ ဖုန်းမကိုင်၍

နေအိမ်သို့ပြန်လာကြည့်ရာ သမီးဖြစ်သူမှာ သွေးအိုင်ထဲတွင် ဓားဒဏ်ရာများနှင့် လဲကျနေသည်ကိုတွေ့ရပြီး ဆေးရုံသို့ပို့ဆောင်စဉ် သေဆုံးခဲ့ကြောင်း သိရသည်။

အခင်းဖြစ်ပွားရာနေရာတွင် အရှည်နှစ်ဆယ်လက်မခန့်ရှိ ဝါးရိုးတပ်ဓားတစ်ချောင်း၊အရှည်ဆယ်လက်မရှိ သစ်သားရိုးတပ် ဓားတစ်ချောင်းတို့ကို သွေးများစွန်းပေလျက်တွေ့ရှိရပြီး လူသတ်မှုကျူးလွန်သူကို အမြန်ဆုံးဖော်ထုတ်နိုင်ရန် ပင်းဘောနယ်မြေရဲစခန်းမှ အမှုဖွင့်စုံစမ်းလျက်ရှိကြောင်း သိရသည်။

Credit: ဝင်းနိုင်(ကချင်မြေ)